أعذب الشعر وأجمل القصائد من اختياري

الصمـت احسـن حـل لاضـاق صــدري
بعـض السوالـف زادت الضيـق بالضيـق

و اذا نشدنـي من نشد .. قلـت مـدري
اجحد بـمـدري نشفـة الحـال والريـــق

----------

طبعـك تغيـر ومـا لقينـا لـه أسبـاب
ولانـي مقصـر فيـك ولانـي بحافـي

كنـك علـى فرقـاي تفتـح لـي بـاب
اقسـى علـي وماجـرى منـك كافـي

----------

كل البشـر مافيهم .. إنسـان كامل
...........الكـل منّـا عنده .. أخطاء وذنوب ..!

وأكبر خطأ في الناس سوء التعامل
...........وأكبر عيوب الناس .. تذنب ولاتوب ...!
----------
خل السوالف أنا / مشتاق ( لعيونك )
................. عجّل وشف لك طريقه نلتقي فيها !

لاتخلي الشوق يذبح حال مجنونك
................. لاجتك فرصه طلبتك لا تعديها !

إترك / هلابك / كيف الحال / وش لونك !؟
................. جلسه معك تسوى الدنيا و ما فيها !!